Умард Солонгосын эмэгтэй дайчид

Admin

2014/03/17

Манай гариг дээр харьцангуй энхтайван байдалтай байгаа өнөө цагт хамгийн том арми, зэвсэгт хүчинтэй улс бол БНАСАУ буюу Умард Солонгос.

25 орчим сая хүнтэй энэ улсын нийт иргэдийн 4,5 хувь болох 1,1 сая хүн цэргийн алба хааж байгаа.

Умард Солонгос бол эмэгтэйчүүд цэргийн алба хаадаг улс. Хэчнээн эмэгтэй цэргийн алба хаадаг тухай тодорхой мэдээлэл байдаггүй ч, Ардын армийн дайчдын 10 хувьд хүрнэ гэсэн олон улсын шинжээчдийн нэг тоо байдаг.

Энд эмэгтэйчүүд эрчүүдийн нэгэн адил дайчлагдан бүх төрлийн цэрэг 10 жил алба хаадаг гэнэ.

Өнгөрсөн хавар умардын хилийн цэрэг эмэгтэйчүүдийг өндөр өсгийтэй гуталтай явж байгаа нэгэн зураг интернетээр тархаж тэднийг хоол муугаас болон өмнөдийн цэргүүдээс намхан учраас өндөр харагдах гэж өндөр өсгийт өмсдөг хэмээн шуугьсан.

Харин хятадын хэвлэл умардад эмэгтэйчүүдийг өндөр өсгийт өмсөхийг хориглодог байсныг удирдагч Ким Чен Ун өөрчилснөөр ийн өмсөх болсон нь энэ гэж тайлбарласан.

Юутай ч хүүхэд гаргаж өсгөн, ар гэрээ авч явах хэдэн зуун мянган бүсгүй Умард Солонгосын армид алба хаан “эх орноо имперлизм, АНУ, өмнөдийн түрэмгийллээс хамгаалж” явна.