Хятадын гудамжны тахир дутуу зураач Си

Си фуны түүх бол өмнөө тавьсан зорилготой, амьдралын төлөө шаргуу тэмцэгчийн түүх юм. 34 настай Си Бээжингийн худалдааны томоохон дүүргийн газар доогуурх гарцын аль нэг буланд суугаад хөлөөрөө дүрс бичлэгийн чадвараа үзүүлж амь зуудаг хүн. Түүнийг нялх байхад нь эмнэлгийн сувилагч шалан дээр алдаж унагаснаас болж тахир дутуу болжээ. Тэр өдөртөө 3-с илүү цаг ажиллаж чадахгүй. Эс тэгвэл бүх бие нь шархиран өвдөж байж суух аргагүй болдог байна. Сүүлийн үед бие нь бүр муудаж байгаа боловч даатгалгүй, тахир дутуугийн тусламж авч цаддаггүй тул ажиллахаас өөр аргагүй. Зарим өдөр тэр 100 юань / 12,44 евро / -ийн орлого олдог гэнэ.