Мисс Aриунцэцэг Cosmo-г сонголоо

Миссийн тэмцээн будлиантай болсон энэ цагт жинхэнэ ард түмний хүсэлтээр мисс болсон бүсгүй бол Ариунцэцэг. Ард түмний алга ташилт, түүнийг үнэлсэн үнэлгээ өдгөө түүнийг нэрний өмнө “ард түмний мисс” хэмээх том тодотголыг авчирсан. Нүдэнд дулаахан энгийн хэрнээ эрхэмсэг төрхтэй энэ бүсгүй сүүлийн жилүүдэд нийгэмрүүгээ хандсан ихээхэн ажлуудыг хийх болсон. Тэрээр нийгмийн сайн, сайхны төлөө амьдралын боломжгүй, хүнд өвчтэй бяцхан хүүхдүүдэд туслах хүмүүнлэгийн ажилд гараа сунгаж, цусны өвчтэй болон,хорт хавдартай хүүхдүүдийн эмчилгээний төлбөрт нь бага ч болов хандив тусламж үзүүлэх ажлыг хийж байгаа. Мисс Ариунцэцэгийн хувьд өөрийн сурталчилгаанд тоглосон цалингаа хүмүүнлэгийн үйлст зориулдаг бөгөөд өрх толгойлсон олон хүүхэдтэй эхчүүдэд гэр авч өгөн, нэг ч гэсэн гэр бүлийг элэг бүтэн дулаахан амьдрахад нь тусалдаг. Тэгвэл энэ удаа мисс маань Cosmo-гийн хамт олонтой хамтарчээ.