Хөхний хорт хавдартай тэмцэж буй миний эхнэр

Эдгээр зургуудийг хараад үнэхээр сэтгэл хөдлөхгүй байхын аргагүй.

Angelo Merendino өөрийн эхнэр  Jennifer Merendino-ийн хөхний хорт хавдартай тэмцэж буйг нь гэрэл зураг болгон нийтэлсэн байна. Тэрээр өөрийн мөрөөдлийн бүсгүйтэйгээ гэрлэж амьдрал нь одоо л жинхэнэ аз жаргалаар дүүрэн болж байна гэж бодож явтал хуримаас нь хойш ердөө л 5 сар өнгөрч байхад тэд  Jennifer-ийг хөхний хорт хавдартай болохыг мэджээ. Хорт хавдартайгаа 5 жил тэмцсэний эцэст эхнэр нь хорвоог орхижээ. Angelo найзынхаа санал болгосноор өөрсдийнхөө түүх болон эхнэрийнхээ зарим зургийг интернэтэд тавьсан нь маш олон хүний сэтгэлийг хөдөлгөж, түүнд олон санал хүсэлт, сэтгэгдлээр дүүрэн захидлууд ирэх болжээ. Үүний дунд адилхан хорт хавдартай хүмүүс бас байсан ба тэд Jennifer-ийн хэрхэн хорт хавдартайгаа тэмцэж буйг хараад хорт хавдартайгаа тэмцэж, нүүр тулан эмчилгээгээ хийлгэх болсон талаараа бичсэн байжээ. Үүнээс үүдэн Angelo бидний энэ түүх хүмүүст тусалж чадах юм байна гэж бодон The Battle We Didn’t Choose, my wife’s battle with breast cancer нэртэй номоо гаргасан ба энэхүү номын худалдан авалт бүрийн 50% түүний байгуулсан хорт хавдартай хүмүүст туслах The Love You Share хэмээх тусламжийн байгууллага руу ордог юм байна.