Найман настай хүүг 60 гарсан эмэгтэйтэй гэрлүүлжээ

Итгэхэд бэрх энэ явдал Өмнөд Африкт болсон байна. Гэхдээ энэ гэрлэлт хуулийн дагуу батлуулсан албан ёсных биш бөгөөд ердөө л шашны зан үйл гэж хуримлагч хосын хоёр тал баталж байна. 
Өмнөд Африкийн Тшване хотод амьдардаг Санеле хүүгийн өвөг эцгийн сүнс нь бууж ирээд, түүнийг даруйхан хурим хий гэж хэлсний дээр хэнтэй гэрлэхийг нь ч зааж өгчээ. Өвгийнх нь сүнс хүүг 61 настай, аль хэдийнэ хүнтэй сууж, таван хүүхдийн ээж болсон Хелен хэмээх эмэгтэйтэй гэрлэхийг шаардсан байна. Тиймээс хоёр гэр бүлийнхэн ярилцаад өвөг дээдсийнхээ хүслийг гүйцэлдүүлэхээр 100 гаруй зочин урьж, дэлгэр найр хурим хийжээ. Хүү ч хурим хийхээс цааргалаагүй дуртай байсан бөгөөд том болохоороо өөрийнхөө үеийн охинтой хуримаа хийнэ хэмээн ярьжээ. Тэд олны өмнө бөгж солилцож, эхнэр нөхөр болсон ч хуримын дараа урьдынхаараа л тус тусдаа амьдрах гэнэ.