Японы цорын ганц Гейша эрэгтэй

Гейша хүмүүс бол Японы соёлын нэгээхэн чухал хэсэг мөн билээ. Харамсалтай нь энэхүү мэргэжил бага багаар нэр хүндээ алдаж байна. 100 жилийн өмнө Гейшагийн тоо 80000 хүрж байсан бол, одоо 1000 орчим л болсон аж. Хотын гудамжинд тэдэнтэй таарах нь ховор тохиолдол бөгөөд ихэнхидээ баячуудын дүүрэг, томоохон амралтын газар л таарна. Хамгийн анх Гейшагаар эрчүүд ажилдаг байсан гэдгийг хүмүүс тэр бүр мэдэхгүй бөгөөд хөгжөөн баясгагчид байсан байна. Анхны Гейша эмэгтэй Касен байжээ. Харин 26 настай Эйтаро нь Гейшагийн ажил хийж буй цорын ганц эрэгтэй юм байна. Түүний ээж Гейша байсан бөгөөд эхийгээ нас барсны дараа Эйтаро болон түүний эгч Майка нар “окия” буюу “Гейша байрны” эзэн болсон ажээ. Энэхүү байр нь Токиогийн Омори дүүрэгт байдаг байна. Эйтаро болон түүний хамтран ажиллагчид болох 6 эмэгтэй үйлчлүүлэгчдийнхээ дунд нэлээд нэр хүнд сайтай аж.