Гэртээ цоожтой үлдсэн хүүхэд өндрөөс унаж нас баржээ

Гэртээ ганцаараа үлдсэн 5 настай хүүхэд 15 давхарын цонхоор унаж амиа алдсан харамсалтай хэрэг энэ сарын 5-ны өдөр гарчээ. Баянзүрх дүүргийн Амгалан дахь нэгэн орон сууцны 15 давхрын оршин суугч, хүүхдээ цоожлоод гараад ирэх хооронд ийм харамсалтай хэрэг болсон байна.

Энэ төрлийн гэнэтийн осол сүүлийн үед ихэсч байгааг цагдаагийн байгууллагаас анхааруулж байна.

Хэдхэн хоногийн өмнө Төв аймгийн Жаргалант суманд гэртээ цоожтой байсан 2-5 насны гурван охин гэртэйгээ шатаж нас барсан харамсалтай хэрэг гарсан юм. Ийд эцэг эх асран хамгаалагчдыг бага насны хүүхдээ харгалзах хүнгүйгээр орхихгүй байхыг Цагдаагийн байгууллагаас сэрэмжлүүлж байна.