Танилцсан эмэгтэй нь IPHONE 16 pro маркийн гар утас, 2 сая төгрөгийг нь аваад зугтжээ

Танилцсан эмэгтэй нь гар утас, бэлэн мөнгийг нь аваад зугтсан гэх дуудлага мэдээлэл цагдаагийн байгууллагад бүртгэгджээ. Тодруулбал, энэ сарын 20-ны 18.00 цагийн орчимд Баянгол дүүргийн нутаг дэвсгэрийн дугаар тоотод нэр бүхий эрэгтэйг архи согтууруулах ундаа хэрэглэсэн үед нь IPHONE 16 pro маркийн гар утас, 2 сая төгрөгийг нь аваад зугтсан байна. Энэ талаар цагдаагийн байгууллагаас тодруулахад, "Танилцсан эмэгтэй нь гар утас, бэлэн мөнгийг нь аваад зугтсан байж болзошгүй гэх хэрэгт мөрдөн шалгах ажиллагааг үргэлжлүүлж байна" гэлээ.