Налайх, Дарханы замд огцом эргэлттэй, уруу буюу АЮУЛТАЙ хэсэгт тойрог, ХУРД СААРУУЛАГЧ хийсэн зэрэг алдаа илэрчээ
Улаанбаатар-Дархан чиглэлийн зам баригдаж эхэлсэн цагаасаа л хэл ам тасраагүй. Үүгээр ч зогсохгүй, олон хүний амь нас, эрүүл мэндийг авч одсон. Тэгвэл ашиглалтад орсноосоо хойш ч шаардлагагүй олон тойрог хийснээс болж, осол их гардаг гэх шүүмжлэлийг дагуулж эхэлсэн билээ.
Тэгвэл АТГ-ын Ахлах комиссар Б.Тэрбиш "NTV" телевизэд ярилцлага өгөх үеэрээ нэгэн НОЦТОЙ мэдээллийг дэлгэжээ. Тодруулбал "Налайх, Дарханы замын зураг төслийг алдаатай гэж бид үзэж байгаа. Дарханы замын 28 тойргийн асуудал дээр олон улсын шинжээч томилж ажилласан. Дотоодоос шинжээч томилохоор инженерүүд цөөн, төгссөн сургууль нэг учраас багшийнхаа эсрэг, шавийнхаа эсрэг дүгнэлт гаргахгүй байх зэрэг хүндрэл үүсдэг" гэсэн юм.
Мөн тэрбээр "Налайх болон Дарханы замд хөдөлгөөний аюулгүй байдлын хийцлэл дээр хэд хэдэн алдаа гарсан. Тухайлбал, огцом эргэлттэй, уруу буюу аюултай хэсэгт ойр ойрхон тойрог, хурд сааруулагч хийсэн зэрэг алдаа байна. Мөн дээрх хоёр чиглэлийн замд хоёр урсгалыг нь тусгаарласан хаалт байдаг. Тэр нь салхи нэвтрүүлдэггүй учраас цас, шуургатай үед нэг тал нь цасанд боогддог сөрөг нөлөөтэй" гэлээ.
Түүнчлэн, замын зураг төсөлд алдаа гаргасан компанийн тусгай зөвшөөрлийг цуцалсан нэг ч тохиолдол байдаггүй гэв.
Хоногт 102-т 2211 дуудлага бүртгэгдэж, 91 иргэнийг эрүүлжүүлжээ
Н.Мягмарсүрэн: Агарта хотхоноос Арцатын ам хүртэлх авто болон явган хүний зам барих ажил энэ сарын 5-нд дуусна
Есдүгээр сарын 25-ны өдөр Монгол-Хятадын авто замын боомтууд түр хаана
Нэг сая ам.долларын шагналын сантай FISSURE Playground-3 тэмцээнд манай улсаас хоёр баг оролцоно
Байгаль хамгаалагчид гүний эргүүл, шалгалтаар ажиллаж, 50 орчим иргэнийг уулнаас буулгажээ
Н.Наранбаатар: 0-6 насны хүүхэд, жирэмсэн эмэгтэйчүүд, ахмад настнууд өрхийн эмнэлэг дээрээ томуугийн вакцинд хамрагдах боломжтой
Монголын Хүүхдийн ордны бүртгэл эхэллээ