П.Наранбаяр: 2026 оныг боловсролыг дэмжих жил болгоно

Засгийн газрын өнөөдрийн /2025.04.02/ хуралдаанаас гарсан шийдвэрийг танилцууллаа.

Боловсролын сайд П.Наранбаяр “Энэ удаагийн Засгийн газрын хуралдаанаар нэгэн чухал шийдвэр гарлаа. 2026 оныг боловсролыг дэмжих жил болголоо. Ерөнхий сайдын манлайлал дор энэхүү санаачилга хэрэгжихээр болж байна. Тохой залгаж сууж байгаа Засгийн газрын гишүүддээ талархал илэрхийлье.

2030 он гэхэд 88 мянган хүүхэд улс даяар нэмэгдэнэ. Тэдэнд шинэ сургууль цэцэрлэг хэрэгтэй.

Хүн амын нягтаршлыг тооцоолон хаана, хэдэн сургууль, цэцэрлэг хэрэгтэйг бид хиймэл оюун ашиглан тооцоолсон. Боловсрол хүний нөөцтэй шууд холбоотой. Манай улсад хүний нөөцийн ноцтой дутагдал үүслээ.

Засгийн газраас мега төслүүд зарласан ч ажиллах хүнгүй байна. Боловсролыг дэмжих нь ирээдүйг дэмжсэн хэрэг мөн” гэв.