“BCH Knights” багийн ахлагч О.Эрдэнэцогт гэрээгээ 3 жилээр сунгалаа

“BCH Knights” баг Монголын сагсан бөмбөгийн холбооны Үндэсний дээд лигийн плэй-оффын эхний шатанд мултарсан. Тус багийн ахлагч О.Эрдэнэцогтийн гэрээ дуусахад 1 жил үлдээд байсан. Тэгвэл тэрбээр багтайгаа гэрээгээ гурван жилээр сунгажээ. Түүнчлэн “BCH Knights” баг “INUT YES TLG” багаас солилцоогоор Б.Ган-Эрдэнэ болон М.Чинхутаг нарыг эгнээндээ нэгтгэсэн юм.

М.Чинхутагийн хувьд Үндэсний дээд лигийн 2024-2025 оны улиралд “Шилдэг шинэ тоглогч”-ийн шагналыг хүртсэн юм. Түүний тоглосон “INUT YES TLG” баг энэ улирлыг аравдугаар байраар өндөрлүүлсэн төдийгүй ирэх улирал дээд лигт өрсөлдөх боломжгүй болсон билээ. Тэгвэл “BCH Knight” баг ирэх улирал М.Чинхутаг, Б.Ган-Эрдэнэ нарын шинэ тоглогчдоор үндэсний дээд лигт өрсөлдөхөөр болж байна.