Д.Мурат энгийн иргэний хувиар тасалбараа шалгуулж нэвтрэв

Баян-Өлгий аймгаас УИХ-д сонгогдсон Дакейн Мурат өөрийн аймгийн төрийн албанд ажилдаг нэгэн эмэгтэйг бэлгийн дарамтад оруулсан гэх хэрэгт холбогдон УИХ-ын гишүүний бүрэн эрхээ түдгэлзүүлсэн байгаа билээ. Тэрээр цаашид өөрийн гэм буруугүй нь шүүхээр тогтоогдвол суудалдаа эргэн суух юм. Өнөөдөр наадмын нээлтийн үйл ажиллагаанд хүрэлцэн ирэхдээ төрийн түшээдийн нэвтэрдэг төв хаалгаар нэвтэрсэнгүй. Энгийн иргэдтэй адил наадмын билетээ хамгаалалтын цагдаа нарт шалгуулан цэнгэлдэх рүү нэвтэрлээ. Наадмын нээлтэнд хүрэлцэн ирэхдээ ганцаараа үндэсний хувцасаа өмсөлгүй, энгийн хослолтойгоо ирсэн нь сонирхолтой зураглал байлаа.