Г.Өсөхбаяр дарга асан гэргийгтэйгээ

Дархан аварга Г.Өсөхбаярын гэргийг монголчууд андахаа больсон. Ийн олон танигдахын учир нь яамны мэргэжилтнгээс эхлээд Эрүүл мэндийн хөгжлийн төвийн даргын суудал залартлаа явсан Б.Нарантуяа гэх энэ хатагтай нэг хэсэг хэвлэлийн гол дүр болж байсныг бүхэн санаж байгаа биз ээ. Авилгын хэрэгт холбогдож албан тушаалаасаа буусан тэр өдгөө зав чөлөөтэй явж байгаа бололтой. Олон түмнээ хүндлэгдсэн аварга тодотголтой нөхрөө даган аливаа нэг арга хэмжээгээр үзэгдэх болсон. Бөхөө дээдэлдэг Монгол түмэн түүнийг нөхрийнхөө нэр хүндийг гутаасан хэмээн жиг, жуг хийх нь бий. Харин аварга түүнийг үл тоох нь мэдээж. Алдаж, оносон ч амьдралыг нь түшилцсэн авааль гэргий нь шүү дээ.