УИХ-ын гишүүн Б.Саранчимэг “од” болов.

УИХ-ын гишүүн, УИХ дахь МАН-ын бүлгийн дэд дарга Б.Саранчимэг эмэгтэйчүүдэд дундаа нэлээд боловсрол өндөртэйд ордог нэгэн. Эрдэмд орой үгүй, сурахад нас оройтохгүй гэдэгчлэн өнгөрсөн жил боловсролоо нэмж  МУИС-ийн Хууль зүйн сургуулийг эрх зүйч мэргэжлээр төгссөн. Өмнө нь ОХУ-ын Новосибирск хотын Цахилгаан техникийн их сургууль, АНУ-ын Гавайн Номхон далайн Их сургууль, ШУТИС-ийг тус тус дүүргэсэн.  Түүний карьер эко буюу ногоон байгуулмжаас эхлэн нэрээ олж УИХ-ын гишүүн хүртлээ явсан нь энэ. Нийслэлийн Баянзүрх дүүргийн ард түмний дуу хоолой болон суугаа тэр бусад эмэгтэй гишүүдийн адил нэг их попроод байдаггүй. Даруу төлөв, жинхэнэ эмэгтэй улс төрчийн имидж бүрдүүлсэн тэр саяхан нэгэн арга хэмжээнд хүрэлцэн ирсэн юм. Улс төрийн эрхэмүүдээс ганцаараа хүрэлцэн ирсэн тэр энэ өдөр жинхэнэ “од” болж байлаа. Түүнтэй гар барьж мэндлэхгүй хүн бараг л байхгүй аж.