“Харанга”-ынхан Хөвсгөлд харанга дэлджээ

“Алдрын од” одонт “Харанга” хамтлаг ирэх  онд болох 30 жилийн ойгоо угтан “Хайрла...” тоглолтоо энэ сарын 08, 09-нд UB паласын концертын их танхимд нүсэр тоглолтооо үзэгчиддээ хүргэсэн юм. Тус хамтлаг 1989 онд “Амьдрал” тоглолтоо хүргэснээс хойш бүрэн хэмжээний 20 гаруй тоглолтоор үзэгч сонсогчиддоо бэлэг барьсан байна. Бүрэн бүрэлдэхүүнээрээ тоглолт хийлгүй 10 гаруй жил болсон тэд энэ жил нэгдэж ийн тоглолтоо хүргэж байгаад сонсогч фэнүүдийнх нь сэтгэл тун өндөр байгаа нь мэдээж. Саяхан тус хамтлаг  Хөвсгөлийн  Хатгал сумаас цааш 40км-т  "Хөвсгөл далайн эрэг" дээр байрлах “АRT88 RESORT” жуулчны баазад  амарч буй сонсогч түмэндээ амьд тоглолтоо хийж, харанга дэлдлээ. Энэхүү амралтын газар нь орчин үеийн стандарт шаардлага, ая тухыг бүрэн хангасан байгалийн үзэсгэлэнт газар далайн эрэгт байрласан дээд зэрэглэлийн амралтын газар юм.