Анхдагч Мисс, Эмч Г.Хонгорзул сайхан хэвээрээ...

Анхдагч хэмээсний учир нь Дэлхийн олон орны гоо бүсгүйчүүдтэй мөр зэрэгцэн алхаж, Монголоос анх удаа “Дэлхийн мисс” тэмцээнд оролцож байсан нь Г.Хонгорзул билээ. “Miss World Mongolia-2005” тэмцээнд түрүүлэн дэлхийд Монголын гоо үзэсгэлэнг анхлан харуулсан тэрээр саяхан манай папараццид буулаа. Загварын тайзнаас буугаад олон жил болсон ч түүний гоо үзэсгэлэн хэвээрээ ажээ. Өдгөө хоёр хүүхдийн ээж тэрбээр анагаах ухааны чиглэлээр нэлээд хэдэн жил сурч боловсорон улсын эмнэлэгт эмчээр ажиллах болсоор удаж байгаа юм байна.  Манай загварын тайзнаас эмчийн мэргэжлээрээ ажиллаж буй миссүүдийн тоонд Хонгорзулаас гадна Б.Бадамцэцэг, Б.Ганболор, топ модель С.Ариунбилэг нар багтдаг аж.