Жүжигчин Туяа өөрийг нь найрах гэж буй эрчүүдэд зөвлөв

Царай зүс бие хаагаараа ямар ч загвар өмсөгчөөс дутахааргүй нэгэн бол жүжигчин Туяа. Түүнийг оюутан байхад миссийн тэмцээнд оролцож загвар өмсөх санал их ирдэг байсан ч тэрээр олны хэл амнаас зүрхшээн оролцдоггүй байсан гэдэг. Хайр сэтгэлийн асуудлаа тэр бүр ил гаргаад байдаггүй жүжигчин бүсгүй хайр дурлалыг "Хайр бол гоёмсог сайхнаар нүдэнд харагдавч гарт баригддаггүй солонгын долоон өнгө. Хайр төгс байх албагүй ээ, хайр үнэн л байх хэрэгтэй" хэмээн тодорхойлж байжээ. Харин өөрийг нь эргүүлдэх залууст тэрээр ийнхүү зөвлөгөө өгчээ : Уг нь байгалаасаа л эр хүнийг эмэгтэй хүн татахдаа гоо сайхан, ааш ааль, хоол ундаар татдаг байсан гэдэг. Одоо ч тэр бичигдээгүй хууль дүрэм байдаг. Гэтэл сүүлийн үед анзаараад  байхад зарим эрчүүд эсрэгээрээ хоолоороо найрах гээд байдаг цаг болжээ. Ямар хоолонд дуртай вэ? өөрийн сайн хийдэг хоолоор дайлъя, Юу идмээр байна? Үгүй тэгээд хоол идэхгүй гэхээр өөр юу идэх үү яах уу? Ямар хоолонд дуртай вэ? гээд л нэгэн бодлын гоё ч юм уу? Нэгэн бодлын бид жижигхэн болчихсон юм уу? Эсвэл хоолноос өөр ярих юмгүй болчихсон цаг уу? Хоолоор найрах аа л байчих" хэмээжээ.

PAPARATSI.MN