Н.Түвшинбаяр зодог тайлах болоогүй

Найдлага алддаггүй Найдангийн Түвшинбаяр" саяхан болсон жудо бөхийн ДАШТ-нээс +100 кг-ийн жинд хүрэл медаль хүртсэн. Тэрбээр медалиа гардсаныхаа дараа “Магадгүй миний сүүлчийн дэлхийн аваргын тэмцээн байх” хэмээн ярьсан нь түүнийг зодог тайлж магадгүй гэж таамаглахад хүргэсэн юм.Тэгвэл тэрбээр энэ асуултад Миний сүүлийн дэлхийн аваргын тэмцээн байж магадгүй. 33 нас хүрчихлээ. Олон жил их спортоор хичээллэнэ гэдэг их амаргүй. Гэхдээ одоогоор зодог тайлах талаар бодоогүй явна. Ирэх жил улсын аварга болно. Залуучууд араас гарч ирвэл тэднийгээ дэмжих ёстой, олон улсын уралдаан тэмцээнд явуулж туршлага хуримтлуулах хэрэгтэй. Залуу тамирчид маань олимп, дэлхийн медаль авч амжилт гаргаасай гэж хүсч байна” гэжээ.