УИХ-ын гишүүн Т.Аюурсайхан МАН-ын бүлгийг хуралдуулах хүсэлт гаргажээ

УИХ-ын Тусгай хяналтын дэд хорооны хуралдаан Төрийн ордны Г танхимд хуралдаж байгаа. Тэгвэл УИХ-ын гишүүн Т.Аюурсайхан Тусгай хяналтын дэд хорооны хуралдааны дараа бүлгээ хуралдуулах албан бичгийг бүлгийн дарга Д.Хаянхярваад хүргүүлжээ. Хэрэв МАН-ын бүлэг хуралдвал дараа нь чуулганы хуралдаан болох юм.  Тусгай хяналтын дэд хорооны хурлаар Ерөнхий сайд Ж.Эрдэнэбатын гаргасан хүсэлтийг хэлэлцэж байгаа юм. Хуралдаанд Ерөнхий сайд Ж.Эрдэнэбат оролцож байсан ч асуудлаа танилцуулж дууссан тул хуралдаанаас гарчээ.