МАН-ын бүлэг Ерөнхий сайдыг огцруулах асуудлаар завсарлага авлаа

УИХ-ын ээлжит бус чуулганы нэгдсэн хуралдааны эхэнд Ерөнхий сайд Ж.Эрдэнэбат үг хэлсний дараа УИХ дахь МАН-ын бүлгийн дарга Д.Хаянхярваа үг хэллээ. 

УИХ дахь МАН-ын бүлгийн дарга Д.Хаянхирваа: Тусгай хяналтын дэд хороогоор уг асуудлыг хэлэлцэх ёстой гэж үзэж байна. У.Хүрэлсүхийг тагнасан чагнасан гэх асуудлыг нэг тийш нь болгож шийдээгүй гэж бодож байна. Энэ асуудлыг хүчээр шийдэх гэж байна гэсэн хандлагыг нийгэмд төрүүлсэн.  Одоо уг асуудлыг нэг талд нь гаргаж шийдэх ёстой. Ерөнхий сайдын хэлсэн үгийг нь хүндэтгэх ёстой. Тусгай хяналтын дэд хороогоор орж Ерөнхий сайдын үгийг сонсох ёстой гэж бодож байна. Хууль хяналтын байгууллагаар шийдвэрлэж, хэн нь зөв буруутайг тогтоогоогүй тохиолдолд асуудлыг хэлэлцэх боломжгүй гэж үзэж бүлгийн даргын хувьд завсарлага өгөхийг хүсч байна.