Э.Мишээл,О.Цэнгэл нар нэгэн хүүд амьдрал бэлэглэжээ

Урлагийн замналаар замнаж явахдаа насны хайраа олж өдгөө аз жаргалдаа умбан яваа хосууд бол жүжигчин О.Цэнгэл дуучин Э.Мишээл нар. Анх жүжигчин Цэнгэлийг клипэндээ тоглуулах хүсэлт тавихдаа "Яасан их зантай охин бэ" хэмээн бодож сууснаа нуугаагүй дуучин Мишээл хожимоо хайр сэтгэлийн холбоотой болно хэмээн зүүдлээчгүй биз. Хосууд саяхан БНСУ-н Засгийн Газар, Эрүүл Мэндийн Яамтай хамтран нэгэн сайн үйлсийн аян эхлүүлсэн нь амжилттай болж дуусчээ. Тэрээр энэ талаараа жүжигчин бүсгүй өөрийн цахим хуудаснаа уг төсөл өмнө нь 25 улсад хэрэгжиж 14000 гаруй хүүхдэд амьдрах итгэл, гэрэлт ирээдүйг бэлэглэж байжээ. Энэ удаад тэд 6 настай Л.Адъяасүрэн хүүг сонгосон юм. Ингээд Солонгос талаас зардалыг нь 100 хувь хариуцаж өнөөдөр мэс засалд орлоо. Баруун гар, уруул эрүүний хэсэг, зүүн чих, доод зовхи, хамрын ойролцоох сорвинд арьс нөхөх хагалгаа хийгдэж амжилттай боллоо. Мэс заслыг Дэгү хотод байрлах "Kyungpook national university hospital" гэдэг 110 жилийн түүхтэй эмнэлэгт 20 гаруй жилийн туршлагатай, гоо сайхны алдартай эмч Ho-yoon chung болон түүний баг хийж гүйцэтгэсэн. Л.Адъяасүрэн дүү минь удахгүй сургуульд орж, үеийнхээ найз нартай тоглож наадах, ирээдүйгээ шинээр эхлэх, өөртөө итгэлтэй хүн болох боломжийг олгосон бүх хүмүүст чин сэтгэлээсээ баярлалаа. #Yondootravel баг, хамт олноороо бахархаж байна, бид зорьсон үйлсээ 100 дахин давуулан биелүүлж чадлаа хэмээсэн байна