Ц.Даваасүрэн: Бүлгийнхээ 65 гишүүний 33-ыг хөөчихөөд сууж байдаг нам гэж байх уу

МАН-ын Удирдах зөвлөл өчигдөр зургаан цаг орчим хуралдсан. Хуралдаанаар Засгийн газрыг огцруулах асуудлаар гишүүдийн өргөн барьсан хүсэлтийг хэлэлцэж, Засгийн газраа тогтвортой байлгах, УИХ дахь МАН-ын бүлгээс гаргасан шийдвэрийг биелүүлж байх утга бүхий тогтоол гаргасан. Удирдах зөвлөлийн хуралд гарын үсэг зурсан гишүүдээс УИХ-ын гишүүн Ц.Нямдорж, Ц.Даваасүрэн нар оролцсон гэх мэдээлэл бий. Удирдах зөвлөлийн шийдвэрийн талаар УИХ-ын гишүүн Ц.Даваасүрэн “ Би удирдах зөвлөлийн хуралд оролцсон. Гэхдээ дунд хэсгээс нь гараад явчихсан. Намын удирдах зөвлөл Засгийн газраа авч үлдэх талаар ярьсан. Бид нэгэнт шийдвэрээ гаргачихсан. Зарим гишүүд намын дүрмээ хэрэгжүүлнэ. Эсрэг бодлого явуулсан гишүүдийг хөөнө гэж ярьж байна. Бодоод үз дээ. 65 гишүүнийхээ 33-ыг хөөчихөөд сууж байдаг нам гэж байх уу” хэмээв.