О.Баасанхүү Н.Энхбаярыг унагаана

УИХ-д МАХН-аас цор ганц суудлыг авчирснаас хойш О.Баасанхүү намынхантайгаа, тэр тусмаа дарга Н.Энхбаяртайгаа түнжин хагарах болсон. Намын шийдвэр, ялангуяа Ерөнхийлөгчийн сонгуулиийн үеэр МАХН-аас С.Ганбаатарыг нэр дэвшүүлсэн явдал нь түүний бухимдлыг ихээр төрүүлж, намаасаа гарах гэж байна гэсэн яриа хүртэл гараад авсан. Гэхдээ тэрбээр намаасаа гарахгүй, харин ч намын шинэчлэлийг эхлүүлнэ, дараагийн МАХН-ын Бага чуулганаар намын даргад өрсөлдөнө гэдгээ мэдэгджээ. О.Баасанхүү “Би Н.Энхбаяр даргад одоо ямар ч өргүй.

Би эцсээ хүртэл энэ хүнийг хамгаалсан, тэмцсэн. Бүх боломжийг нь олгож өгсөн. Одоо хангалттай. Би өөрийн ирээдүй, 2020 оны төлөө огтхон ч айхгүй байна. Одоо МАХН Н.Энхбаяр даргагүйгээр урашгаа харж, зоригтой хөдлөх цаг болсон. Би зоригтой шинэчлэл хийж, намыг зусар бялдуучид, албан тушаалын хэнээтнүүдээс цэвэрлэнэ. Бага чуулганы гишүүдийн дийлэнх намайг дэмжиж байгаа. 2016 оны УИХ-ын сонгуульд чин үнэнчээр өрсөлдөж УИХ-д ганцаараа МАХН-ыг төлөөлж байгаагийн хувьд надад энэ намыг удирдах, хойшдын шинэчлэлийг нь түүчээлэх бүрэн эрх туршлага мэдлэг ч хангалттай бий” гэжээ.

PAPARATSI.MN