Ж.Нарантунгалагийн ээлжит тулааны тов гарчээ
Монгол Улсын гавьяат тамирчин Жадамбын Нарантунгалагийн дараагийн тулааны тов гарлаа. Тодруулбал өдгөө 41 настай гавьяат маань ирэх 9 сарын 2-нд БНХАУ-ын Шанхай хотноо болох “One Championship – Heroes of the Empire” цогц тулааны үеэр ээлжит тулаандаа хүчээ сорихоор болсон байна. Мэргэжлийн тулааны замналдаа 12 ялж, 5 ялагдаж байсан манай тулаанчийн ээлжит өрсөлдөгч нь ZST буюу Японы холимог тулааны аварга, Япон тулаанч Ямада Тэцүяа байх болно.
Түүний өрсөлдөгчийн хувьд энэ жил 27 настай бөгөөд “ONE Championship”-д 2016 оны нэгдүгээр сараас тулалдаж байгаа юм. Энэ тулаанч нь барилдааны арга техник өндөртэйг түүний тулааны үзүүлэлтээс харж болохоор байна. Карьертаа 18 тулаан хийхдээ 14т нь ялж байснаас зургааг нь өчилтөөр хугацаанаас нь өмнө дутуу гаргаж байжээ. Уг цогц тулааны оргил тулаан нь харин 66.7 кг-ийн жингийн аваргын бүсний төлөөх тулаан байх болно. 16 тулаан хийснээс 16-д нь ялсан Бэн Аскрэн өөрийнхөө бүсийг хамгаалж Шведийн сенсац “Бандийт” хочит Зебастиан Кадестамтай тулалдана. Кадестамын хувьд мэргэжлийн тулааны замналдаа 9-3 гэсэн амжилттай бөгөөд 9 ялалтынхаа долоод нь хүнд цохилтоор ялж байсан нэгэн юм байна.
PAPARATSI.MN
Дайчдын дурсгалд зориулсан Мөнхийн галд хүндэтгэл үзүүлж, цэцэг өргөлөө
Ерөнхийлөгч У.Хүрэлсүх Бүгд Найрамдах Беларусь Улсад төрийн айлчлал хийхээр хүрэлцэн ирлээ
Насанд хүрээгүй хүүхэд тээврийн хэрэгсэл жолоодсон 24 хэрэгт 6 хүн нас барж, 21 хүн гэмтжээ
Монгол Финландын боловсролын сайд нар хамтын ажиллагааны 5 баримт бичиг байгууллаа
Ой, хээрийн түймэр өмнөх оны мөн үетэй харьцуулахад 29 хувиар буурчээ
Хельсинки хотноо Финланд-Монголын бизнес форум боллоо
Монгол Улсын Ерөнхийлөгч Ухнаагийн Хүрэлсүхийн Бүгд Найрамдах Финланд Улсад хийж буй төрийн айлчлал үргэлжилж байна