Завгүй дэд сайд

Сангийн дэд сайд Х.Булгантуяа хүүхдээ төрүүлээд удаагүй ч төрийн ажилдаа ханцуй шамдан ажиллаж буй ажээ. Тэрбээр Төрийн ордны гадаах цэцэрлэгт хүүхдээ хөхүүлж буй зургаа сошиал орчинд нийтэлсэн юм. Түүний ордны гадаа хүүгээ хөхүүлж буй зургийг харсан цахим орчин дахь найзууд нь урмын үгийг харамгүй хайрласан байв. Х.Булгантуяа “Хүү бид хоёр ажлын хажуугаар Төрийн ордны хойд талын цэцэрлэг, яам тамгын газар гээд хаа тааралдсан газраа мээм идсээр ямар ч байсан бантантайгаа залгалаа. Австралийн парламентын гишүүн эмэгтэй чуулган дээр хүүхдээ хөхүүлж байсан даа. Манай Төрийн ордонд бол хүүхэд орж болдоггүй юм байна лээ. Ер нь бол 6 сар хүртэл хүүхдээ хөхүүлэхийг уриалж байгаа бол хүүхэд хөхүүлэх газрыг хаа сайгүй л байгуулах ёстой. Одоо бид 2 бантантай залгасан юм чинь бас учиртай” хэмээн жиргэжээ. Төрийн ажлын хажуугаар хүүхдээ хөхүүлж, сайн ээжийн үүрэг гүйцэтгэж буй түүнд цахим орчин дахь найзууд нь ам сайтай байв. 

PAPARATSI.MN