У.Хүрэлсүхийг МАН-аас хөөх асуудал яригдаж эхэллээ

Admin
2017/08/18

Эрх баригч МАН удирдлагын чадамжаа алдаж, бүрэн хаосын байдалд ороод байна.  Монгол Улсын Ерөнхий сайд Ж.Эрдэнэбат, Шадар Сайд У.Хүрэлсүх нар нь нэг нэгнээ тагнасан чагнасан гэх асуудлаар хуулийн байгууллагад өгөөд буй бол УИХ дахь 20 орчим гишүүн нь өөрийн намын Засгийн Газраа огцруулахаар гарын үсэг цуглуулж эхэлсэн. УИХ-ын гишүүн Л.Оюун-Эрдэнэ, Ж.Энхбаяр, Т.Аюурсайхан нар 60 тэрбумын бүлэглэлээс намаа цэвэрлэнэ гэж зарлах бөгөөд хариуд нь "60 тэрбум"-ын асуудалд холбогдсон А.Ганбаатар гэгч нь уг асуудалд У.Хүрэлсүх, Д.Амарбаясгалан, Л.Оюун-Эрдэнэ нар холбоотой гэж мэдэгдэнэ.

 

Мөн МАН-ын Удирдах Зөвлөлийн улс төрийн шийдвэр гарсны дөнгөж маргааш нь Нийслэлийн Иргэдийн Төлөөлөгчдийн Хурал дахь тус намын төлөөлөгчдийн олонхи нь яг эсрэг үйлдэл хийх жишээтэй. Энэ бүхэн нь тус нам  удирдлагын чадамжаа алдаж, бүрэн ховсын байдалд орсныг нотолж буй юм. Мөн өчигдөр УИХ-ын дэд дарга, МАН-ын Удирдах Зөвлөлийн Гишүүн Ц.Нямдорж телевизид ярилцлага өгөх үеэрээ одоогийн МАН-ын Удирдах Зөвлөлийг тараах, Ц.Сандуйг намаас хөөх , Ж.Эрдэнэбатын  удирдсан Засгийн Газрыг огцруулах хэрэгтэй гэх мэт саналыг шуудхан хэлэв. Энэ бүхэн нь тус нам доторхи фракци хоорондын тэмцэл ихээхэн хурцадсаны шинж бөгөөд энэ тохиолдолд аль нэг бүлэглэл нь "шахагдаж" л уг асуудал шийдвэрлэгдэх нь гарцаагүй юм. Тэгвэл МАН-ын удирдлагад одоо байгаа бүлэглэлийн зүгээс Шадар Сайд У.Хүрэлсүхийг намаас нь хөөх асуудлыг хөндөж тавихаар зэхэж буй тухай эх сурвалж өгүүлж байна.
SONIN.MN
 
Сүүлд нэмэгдсэн мэдээ
9 минут

Бүгд Найрамдах Социалист Вьетнам Улсын Үндэсний Ассамблейн даргыг албан ёсоор угтаж авлаа
16 минут

Монтенегро Улсын Ерөнхийлөгчийн төрийн айлчлал өндөрлөлөө
51 минут

Цагдаагийн байгууллагын 102 тусгай дугаарт 15 хэрэг бүртгэгджээ
1 цаг

Тэгш дугаараар төгссөн тээврийн хэрэгсэл өнөөдөр хөдөлгөөнд оролцоно
13 цаг

Төрийн өмчит компаниудын шинэчлэлийн хүрээнд Монгол Улсын Засгийн газар "Блэкрок Фма" Компанитай санамж бичиг байгууллаа
20 цаг

Төрийн өмчит зарим үйлдвэрийн газрыг өөрчлөн байгуулах, татан буулгах Засгийн газрын тогтоол батлагдлаа
20 цаг

Архаг өвчтэй иргэдийн эмчилгээг тасралтгүй үргэлжлүүлж, эмийн зардлын дарамтыг бууруулна