Умард Солонгос пуужингийн хөдөлгүүрээ өөрсдөө үйлдвэрлэдэг байж магадгүй

 Америкийн Тагнуулын албаны ажилтан “БНАСАУ нь пуужингийн хөдөлгүүрийн хувьд импортоос хараат биш байж магадгүй гэдгийг ажиллагааны явцад тогтоолоо. Бидний тооцоолж буйгаар тэд  хөдөлгүүрийг өөрсдөө үйлдвэрлэх боломжтой байна”  хэмээн ярьжээ. Үүний урьд  даваа гарагт  The New York Times сонин Олон улсын стратеги судалгааны институтын шинжээч Майкла Эллеманы судалгааны материалаас иш татж мэдээлэхдээ БНАСАУ нь тив хоорондын баллистик пуужингийн хөдөлгүүрээ  Украинд   үйлдвэрлэсэн  хөдөлгүүрийг дамлан худалдаалдаг хар захынхантай холбоотой байж магадгүй хэмээн мэдээлж байсан юм. Харин үүний хариуд Украины Үндэсний батлан хамгаалах аюулгүй байдлын нарийн бичгийн дарга  Александр Турчинов  “тус улсын батлан хамгаалах болон сансар агаарын хөлгийн  цогцолборууд нь Умард Солонгост цэрэг армийн технологи нийлүүлээгүй” гэдгээ мэдэгдсэн юм. Украины  “Южмаш”   үйлдвэр ч гэсэн БНАСАУ-тай пуужингийн хөтөлбөрийн чиглэлээр ямр нэг хэлхээ харилцаагүй гэдгээ  нотлов.  Гэсэн хэдий ч “Южное” үйлдвэрийн Ерөнхий зохион бүтээгч Александр Дегтярев 2012 онд тус улсын хоёр иргэн “Южмаш”   үйлдвэрт  тагнуул хийсэн хэргээр шүүгдэж байсныг сануулаад  Украины пуужингийн  хөдөлгүүрийг хэн нэгэн хуулбарлаж байхыг  үгүйсгэсэнгүй.