М.Энхболд хууль хяналтын байгууллагад хандана гэжээ

МАН-ын дарга М.Энхболд өөрийг нь гүтгэсэн үйлдлийг шалгуулахаар хууль хяналтын байгууллагад хандахаа цахим хуудсаараа дамжуулан мэдэгдсэн байна. Тэрбээр “Сүүлийн өдрүүдэд хэвлэл мэдээллийн хэрэгслээр намайг гүтгэсэн мэдээ гаргаж, түүнийгээ сошиал орчинд зохион байгуулалттай тарааж эхэллээ. Би  төрийн албанд зүтгэхдээ хүнийг дагах, мөрдөх үүргийг хэнд ч, хэзээ ч өгч байгаагүй, надад ийм зан чанар огт байхгүйг хүмүүс мэднэ. Энэ асуудлыг хууль хяналтын байгууллагад хандаж шалгуулна" гэжээ. Зарим хэвлэлд түүний талаар “У.Хүрэлсүхийг дагаж мөрдсөн хэргийн тухайд М.Энхболд яригдах нь ойлгомжтой. Намынх нь зарим удирдлагууд түүнийг зайлуулахыг хүсэж байгаа. Ерөнхийлөгчийн сонгуульд ялагдсан хариуцлагыг түүнээс нэхэхийн хажуугаар “60 тэрбум”-ын хэрэг хяслантай гэгч нь ороож байгаа нь нэрмээс болж буй. Харин тэрбээр “дарга” хэмээх сэтрээ хэрхэн авч үлдэх нь энэ зуны үдэлтийн гол улс төр болж хувирах нь...” гэхчилэн бичжээ.