Баян Базараагийн нялх гэргий хувийн онгоцоор зугаалж явна

Алтны магнат Ц.Мянганбаярыг топ модель Д.Пүрэвсүрэнгээс нь салган байж суугаад М.Хайрмаа нэртэй хөөрхөн охин төрүүлж өгсөн “Ард түмний мисс” Д.Ариунцэцэг өдгөө өөр нэгний энгэр түшиж яваа. Үе мултарсан хөгшин нөхөр нь түүнийг топ модель О.Пүрэвдуламаар сольсны дараа мисс, загвар өмсөгч С.Сарнайтай нийлэн томоохон намын баяр хэсэх болсон тэрбээр төд удалгүй дахин нөхөрт гарсан. Түүний хоёр дахь нөхөр нь дуучин Д.Оюунтүлхүүрийн анхны хань, “баян” хочит Р.Базараа юм. Хил дамнасан нижгэр хуримнаасаа хойш нэг их удалгүй хоёр тийш болсон энэ хосын салалтад олон хүн харамсаж байсан нь мэдээж. “Баян” хочит Р.Базараа дуучин бүсгүйгээс салаад Төрийн соёрхолт, дуучин Д.Болдын “Захиа” дууны клипэнд тоглосон 17-той жаахан охиныг гэргийгээ болгосон гэдэг. Гэвч бяцхан хүүгээ асарч суугаа Э.Оюу эр нөхрөө “Ард түмний мисс” тодотголтой, фото модель Д.Ариунцэцэгт аль хэдийнэ алдсанаа нэлээд хожуухан мэдсэн гэлцдэг. Шавилхан бүсгүйг хүүгээ тэврээд төрхөмдөө буцахад мисс Д.Ариунцэцэг бараг зөрөөд шахуу гэрт нь ирж төвхнөсөн аж. Тэрбээр “баян” хочит хүүхэмсэг нөхөртөө охин төрүүлж өгсөн бөгөөд өдгөө хувийн онгоц хөлөглөн байгалийн үзэсгэлэнт газруудаар зугаалж яваа гэнэ. Бүр өндөржүүлсэн хамгаалалтан дор өөрт нь зориулсан урлагийн тоглолтыг үзэж сонирхсон шигээ тансаглаж суугаагаа олонд дэлгэжээ.

PAPARATSI.MN