МИК, Мах Импекс, Талх Чихэр компаниуд тайлангаа хугацаандаа мэдээллээгүй байна

Хувьцаат компаниуд 7-р сарын 20-ны дотор санхүүгийн тайлангаа олон нийтэд мэдээллэх хуулийн заалттай ч томоохон компаниудын олонх нь тайлангаа мэдээллээгүй байна. Монголын хөрөнгийн биржийн 1-р ангилалд бүртгэлтэй долоон компаниас гурав нь мэдээллээ ирүүлсэн гэж эдийн засагч Д.Ангар мэдээлэлжээ. Тэрбээр “Хагас жилийн санхүүгийн тайлангаа олон нийтэд зарлах хугацаа аль хэдийн хэтэрсэн. Гэтэл Хөрөнгийн Биржийн 1-р ангилалд багтдаг долоон компаниас Говь, АПУ, Сүү ХК нар санхүүгийн тайлангаа ирүүлсэн бол үлдсэн МИК, Дархан Нэхий, Мах Импекс, Талх Чихэр хувьцаат компаниуд өнөөдрийг хүртэл санхүүгийн тайлангаа олон нийтэд хүргээгүй байна. Монголд хэзээ хууль хэрэгждэг болох бол. Хууль хэрэгждэггүй газар хөрөнгийн зах зээл хөгжихгүй” гэжээ.

PAPARATSI.MN