Боловсролын яамны Төрийн нарийн бичгийн даргыг томилно

Боловсрол, соёл шинжлэх ухаан, спортын яамны дэд сайд Ё.Отгонбаярыг Америкийн Нэгдсэн Улсад суух Онц бөгөөд Бүрэн эрхт Элчин сайдаар томилохоор УИХ-аас шийдвэрлэсэн. Харин ТНБД Н.Баяртсайханыг Засгийн газрын хуралдаанаар үүрэгт ажлаас нь чөлөөлөөд байгаа. Тиймээс тус яам одоогоор дэд сайд болон Төрийн нарийн бичгийн даргагүй байгаа. Тэгвэл БСШУС-ын яамны Төрийн нарийн бичгийн даргыг энэ долоо хоногт томилох сураг гарсан бөгөөд лхагва гарагийн Засгийн газрын ээлжит хуралдаанаар томилохоор яригдаж байгаа гэнэ. Харин чухам хэн энэ албан тушаал дээр очих нь тодорхойгүй байна.