Хятад Улс Джибути Улсыг өрөнд оруулж байж цэргийн баазаа байгуулав уу

Admin

Өчигдөр 13 цаг 43 минут

Xятадын эрх баригчид Африкийн Джибути улсад анхны цэргийн баазаа байгуулсан талаар “South China Morning Post” мэдээллээ. Джибути Улс нь Дорнод Африкт оршдог жижиг улс юм. Хүн амын тоо нь 800 мянга гаруй ажээ. Энэхүү улс нь нэн ядуу орны тоонд ордог байна. Өмнө нь Францийн колони орон байжээ.

Тус улс руу сүүлийн жилүүдэд Хятад ихээр зээл өгч байсан байна. Олон Улсын шинжээчид Хятад Улс тус улсыг өрөнд унагаасныхаа дараа цэргийн бааз барих нөхцөлийг бүрдүүлж чадсан гэж үзэж байгаа юм.

Джибути, Хятадын хамтран байгуулсан гэрээ хэлэлцээрийн дагуу өнгөрсөн жилээс баазын дэд бүтцээ барьж эхэлжээ. Энэ мягмар гарагт хятад цэргүүдийг үдэх ёслол Хятадын Чжаньцзян боомтод болов. Хятад улс хэдэн цэрэг илгээсэн болон хэзээ цэргийн бааз нь бүрэн хэмжээгээр ажиллаж эхлэхийг нууцалж байгаа аж. Одоогоор Хятадын Тэнгисийн цэргийн хүчний хөлөг онгоцнуудыг хангах хангамжийн бааз эхний ээлжид ажиллаж эхэлсэн байна.

Хятадууд Африкийн Йемен, Сомали улсын эрэг дагуу энхийг сахиулах, хүмүүнлэгийн арга хэмжээнд оролцдог аж. Шинэ баазаа “Торгоны зам”-ын дорно чиглэлийг хянахад ашиглахаар төлөвлөжээ. Улмаар Хятад хүчирхэг цэргийн баазаа байгуулж цэргийн хамтын ажиллагаа, далай тэнгисийн сургуулилт, аврах ажиллагаанд ашиглах гэнэ.

www.zindaa.mn

Сүүлд нэмэгдсэн мэдээ