Хэнтийчүүд Д.Гантулга гишүүнийг эсэргүүцэн тайван жагсаж байна

Хэнтий аймгийн Ардчилсан эмэгтэйчүүдийн холбоо, Ардчилсан залуучуудын холбоо, Одонтой ээжүүдийн холбооны гишүүд УИХ-ын Гантулгын холбогдоод буй хүчингийн хэрэгтэй холбогдуулан эсэргүүцлээ илэрхийлэн жагсаж байна. Тэд Гантулга аа, Монголын нийт охид, бүсгүйчүүд, эхчүүд, эмэгтэйчүүдээс уучлалт гуй. УИХ-ын гишүүний бүрэн эрхээсээ татгалз. Хан Хэнтий нутгийн иргэд бид хүчирхийлэгч гишүүнтэй байхыг хүсэхгүй. Ийм хүн орон нутгийг минь төлөөлөх эрхгүй. Нэрээ тат.

Эмэгтэйчүүд бид айдасгүй, хүчирхийлэлгүй, шударга нийгэмд амьдармаар байна. Гантулга аа, садар самуун явдлаа зогсоо. Эзэн Чингисийн өлгий нутгийн нэрийг цэвэрлэ. Хан Хэнтий нутгийн иргэд хүчирхийлэгч гишүүнтэй байхыг хүсэхгүй. Гантулга аа, Монголын бүх охид, бүсгүйчүүд, эхчүүдээс уучлалт гуй. Эмэгтэйчүүд, бүсгүйчүүдийг хүчирхийлсэн хүн Их хуралд хууль батлах эрхгүй. Нэрээ тат, нэрээ тат” гэв.