7-р сарын 1-нээс хэрэгжих хуулиар 4000 орчим ялтан суллагдаж болзошгүй

Маргааш долдугаар сарын 1-ний өдөр. Энэ өдрөөс эхлэн Эрүүгийн хуулийн шинэчилсэн найруулга хэрэгжинэ. Тус хуулиар "Ялын тэгшитгэл" хийж, нэлээдгүй ялтанг хугацаанаас нь өмнө суллах эрхзүйн орчин бүрдэж байгаа юм. Чухам хэчнээн ялтан хуулийн хүрээнд суллагдах талаар албаны эх сурвалж "Шүүгч нар харьяа хорих ангийн 4000 хүний материалтай танилцаад байж байна. Энэ хүмүүсийн ялын тэгшитгэлийг шударга ёсоор оногдуулна. Уг ажлыг баяр наадмын өмнө хийгдэх гээд бэлтгэл ажил хангагдсан. Одоогоор хэдэн хүн яаж хамрагдах нь тодорхойгүй байна" хэмээжээ. 

Зөвхөн хөнгөн ялтангууд л суллагдаасай хэмээх яриа гараад буй. Хүн алж, хүчирхийлсэн зэрэг хүний хийх үйлдлээс гажууд зүйл хийсэн этгээдүүд хэдхэн сар төмөр торны цаана суучихаад гараад ирнэ гэдэг байж болохгүй асуудал. Энэ хуулиас болж охид бүсгүйчүүд болон бага насны хүүхдүүдийг болгоомжтой байх хэрэгтэй гэсэн анхааруулга аль хэдийнээ цахим ертөнцөөр тараад байна. 

PAPARATSI.MN