Ж.Энхбаяр: Сундуйн Батболд оо, өрөөнөөсөө гарч ажлаа хиймээр байна

Нийслэлчүүд #ЗамЧөлөөл аяныг эхлүүлээд багагүй хугацаа өнгөрч байгаа билээ. Энэхүү аян үр дүнгээ өгч, зарим албан байгууллага явган хүний зам руу гарсан хашаа болон, өргөтгөлөө шинэчлээд байгаа юм. Тэгвэл УИХ-ын гишүүн Ж.Энхбаяр #ЗамЧөлөөл аянд нэгдэж, хотын даргыг ажлаа хийхийг сануулсан байна. Тэрбээр энэ талаар "#ЗамЧөлөөл аяны хүрээнд Баянзүрх дүүргийн 6,15,18, 25, 26-р хорооны нутаг дэвсгэрт 30 орчим зам чөлөөлөх шаардлагатай байршил иргэдээсээ авч зурагтай нь өгсөн. Гэвч өнөөдрийн байдлаар энэ ажил дөнгөж 10 хүрэхгүй хувьтай л байна. Сундуйн Батболд оо, өрөөнөөсөө гарч ажлаа хиймээр байна. Ард түмэн та нараас ажил хийхийг л шаардаж байна. Үүрэгт ажлаа хийнэ үү" хэмээн өөрийн цахим хуудсаар дамжуулан мэдэгдээд байгаа юм. Мөн тэрбээр энэхүү шаардлагадаа зам чөлөөлөх хэрэгтэй байгаа байршлуудын зургийг тайлбарын хамт хавсаргажээ. Ямартай ч иргэд шаардаад байгаа ч хурд нь саармаг байгаа энэхүү аянд УИХ-ын гишүүдээс нэгдэж, хотын даргыг ажлаа хийхийг сануулаад байгаа билээ.

PAPARATSI.MN