УИХ-ын гишүүн М.Оюунчимэгийг 14 хоног саатуулах ёстой

УИХ-ын гишүүд халдашгүй дархан эрхээрээ хуулийг өмнөө сөхрүүлж чаддаг эсэхийг УИХ-ын гишүүн М.Оюунчимэгийн хууль зөрчсөн үйлдэл харуулах нь. Монголчууд өчигдөр тав дахь Ерөнхийлөгчөө сонгох саналаа өгцгөөв. Хэнд саналаа өгөх нь тухайн хүний эрх ч саналын хуудсанд тэмдэглэсэн саналаа баримтжуулахыг хуулиараа хориглодог. Өөрөөр хэлбэл Сонгуулийн тухай хуулийн 92.2.5-т Саналын хуудсанд тэмдэглэсэн саналаа баримтжуулан зураг авах, дүрс бичлэг хийхийг хориглодог.

Хэрэв энэ заалтыг зөрчвөл тус хуулийн 92.16-т 92.2-т зааснаар иргэнийг 14 хоног баривчилна. Тэгвэл УИХ-ын гишүүн М.Оюунчимэг өчигдөр өөрийн цахим хуудас дээрээ “Эвтэй монголын төлөө М.Энхболдод манай гэр бүл саналаа өглөө” хэмээн тэмдэглэлт хийсэн саналын хуудасныхаа зургийг оруулжээ. Хэдийгээр тэрбээр цахим хуудаснаасаа энэхүү мэдээллээ утсгасан ч хууль бус үйлдэлийг нь хуулийн дагуу шийдвэрлэхийг иргэд хууль хяналтынхнаас шаардсаар байна.

УИХ-ын гишүүн эрхзүйн мэдлэг, мэдээлэлтэй байх нь төрийн түшээгийн наад захын үүрэг. Тэгж гэмээнэ үйлчилж буй хуулиа сурталчилж, хэрэгжилтэд нь хяналт тавина. Гэтэл УИХ-ын гишүүн М.Оюунчимэг  сонгуулийн үеэр Сонгуулийн тухай хуулиа ч мэдэхгүйгээр барахгүй хууль зөрчсөн үйлдэлээ олон нийтэд дэлгэж байгаа нь дэндүү ёсзүй гэдгийг цахим хэрэглэгчид шуугисаар байна.   

Монгол Улсын хууль иргэн бүрт тэгш үйлчлэх ёстой. Харин УИХ-ын гишүүнд хууль хэрхэн үйлчилдэгийг харах л үлдэж байна.