ШУУРХАЙ МЭДЭЭ

Дөнгөж сая Монгол улсын гурав дах Ерөнхийлөгч Н.Энхбаярын бие гэнэт муудлаа гэдэг мэдээллийн дагуу түүний өмгөөлөгч Н.Оюунбилэг II эмнэлэгт очлоо. Гэсэн хэдий ч түүнийг  Н.Энхбаяртай уулзахыг хориглосон учир эмчтэй нь уулзуулсан байна. Н.Энхбаярын зүрхний хэмнэл гэнэт алдагдаж, даралт нь унасан бөгөөд саяхан хэвийн байдалдаа орсон хэмээн эмч нар нь мэдэгджээ. Харин хэдхэн минутын өмнө МАХН-ын дарга Н.Энхбаярын гэргий О.Цолмон түүний эмчлэгч эмчтэй биеийн байдлынх нь талаар уулзахаар II эмнэлэг рүү орлоо. Бид энэ талаар эргэн мэдээлэх болно.