Өнөөдөр тээврийн хэрэгслийн татвараа торгуульгүй төлөөрэй

Сангийн яамны нээлттэй хаалганы өдөрлөг өнөөдөр болон маргааш Сүхбаатарын талбайд болно. Тус өдөрлөгийн үеэр тээврийн хэрэгслийн албан татвар, төлбөрийг харьяалал харгалзахгүй торгуульгүй төлөх боломжтой юм. Тээврийн хэрэгслийн албан татвар, төлбөр төлөх хуулийн хугацаа 2017 оны 6-р сарын 1-ний өдрөөр дуусгавар болсон. Тиймээс тээврийн хэрэгслийнхээ албан татварыг хугацаандаа төлөөгүй жолооч нар өнөөдөр, маргааш төв талбайд болох өдөрлөгийн үеэр төлбөрөө ямар нэгэн торгуульгүйгээр төлөх бүрэн боломжтой тул жолооч нар Сүхбаатарын талбайд ирж тээврийн хэрэгслийн татвараа төлөхийг уриалж байна.