Ерөнхийлөгчийн сонгуульд нэр дэвшигчдийн сурталчилгаа эхэллээ

Монгол Улсын Ерөнхийлөгчийн ээлжит сонгуулийн санал хураалт энэ сарын 26-ны өдөр улс орон даяар зохион байгуулагдана. Тиймээс Сонгуулийн тухайн хуулийн дагуу өнөөдөр ерөнхийлөгчийн сонгуульд нэр дэвшигчдийн сурталчилгаа албан ёсоор эхэлж байна. Сонгуулийн сурталчилгаа хуулийн хүрээнд 18 хоног үргэлжлэх юм. Сонгуулийн сурталчилгаа эхэлж буйтай холбогдуулан нэр дэвшигчид өнөөдөр сурталчилгааныхаа нээлтийг хийнэ. МАН-аас ерөнхийлөгчийн сонгуульд нэр дэвшигч М.Энхболдын сурталчилгааны нээлт Тусгаар тогтнолын ордонд 10:00 цагт. Харин АН-ын нэр дэвшигч Х.Баттулгын хувьд Хэнтий аймагт сурталчилгааны нээлтээ хийхээр болжээ. МАХН-ын гишүүд дэмжигчид Эрх чөлөөний талбайд 11:00 цагт цугларч, сонгуулийн сурталчилгаагаа нээх аж.

PAPARATSI.MN