Кардашиан-Женнер хэмээх хоёр өөр эцгийн нэрээр нэрлэгддэг реалити шоугаар олны танил болж өдгөө бүгд ямар нэгэн байдлаар хамгийн алдартай болсон гэр бүл бий. Хоёр дахь эгч Ким Кардашианы нөлөөгөөр “Кардашиан” гэх овог брэнд болтлоо хөгжөөд буй. Тэр ч бүү хэл төрсөн дүүгийнхээ эхнэрийг Кардашиан гэх овгийг ашиглахгүй байхыг сануулж шүүхэд хандсан нь саяхан.
Тус гэр бүлийн отгон гишүүн Кайли Женнер өдгөө 19 настай. Тэрбээр дэлхийн хамгийн алдартай өсвөр настнуудыг жагсаалтыг тэргүүлдэг. Алдартай эгч дүүс, чинээлэг амьдрал, өөрийн нэрийн гоо сайхны брэнд болон реппер найз залуу гээд тоочвол олон зүйл бий.
Тэрбээр найз залуутайгаа секси зургууд авахуулах дуртай. Цахим сүлжээнд шуугиан тариад байгаа түүний сүүлийн зураг бол найз залуу Тайгагийн өвөр дээр сандайлж суугаа хагас нүцгэн зураг байлаа. Мексикт амарч байхдаа авахуулсан Кайлигийн чамин дотуур хувцас, үнэтэй цаг, гоёмсог бугуйвч, ээмэг бөгж зэрэг гоёлоо бүгдийг зүүж өөрийнх нь өвөр дээр эрхлэн суугаа уг зургийг Тайга цахим сүлжээндээ тавьжээ. Хосууд найман насны зөрүүтэй билээ.
Эх сурвалж: www.zone.mn
