Асашёорюү Д.Дагвадорж, Д.Сумъяабазар, А.Сүхбат нар больцгоо... Арай дэндлээ...

Admin

2017/01/09

2017 оны чөлөөт бөхийн насанд хүрэгчдийн УАШТ-ий эрэгтэйчүүдийн 70 кг-д дэлхийн аваргын хошой хүрэл медальт, гавьяат тамирчин Г.Мандахнаран түрүүллээ. Шигшээ барилдаанд тэрээр Д.Хатанбаатарыг 12:0-ээр ялсан юм.
Харин шигшээ барилдааны өмнө Г.Мандахнарангийн дасгалжуулагч Ц.Цогтбаярыг "дэвжээтэй ойролцоо суусан", "дасгалжуулах эрхээ хасуулчихаад шавьдаа зөвлөгөө өгсөн" шалтгаанаар золтой л тамирчинтай нь хамт хөөчихсөнгүй. Үзэгчид олимпийн дэвжээнд хүрэл медалиа луйвардуулан нүцгэлж тэмцсэн багш, шавь хоёрын талд байсан юм. Түүний хувьд Рио-2016 олимпийн наадамд 65кг-д барилдаж шагналт V эзэлсэн. Г.Мандахнаран 2015 онд жин өгсч 70кг-д анх удаа түрүүлж байсан бол ийнхүү 2017 онд хошой аварга боллоо.

Жич: УИХ-ын гишүүн Д.Сумъяабазар, А.Сүхбат нар төрийн ажлаа л хиймээр байна. Батлан хамгаалах яамны Алдар спорт хорооны дарга, дархан аварга Г.Өсөхбаярд ч энэ үг хамаарна. Өөрийн гараар босгосон 2 давхар байшингаа Төв аймгийн хүүхдүүдэд цэцэрлэг болгон өгч Монгол гэрт амьдарч буй Г.Мандахнаран гэдэг залууд баяр хүргэе.

Г.Мандахнарангийн амьдралаар кино хийсэн ч болохоор болж

Сэтгүүлч Н.Урантогтох

Сүүлд нэмэгдсэн мэдээ