Аав, ээж хүү гурван нь юу вэ, Чандмань эрдэнэ

Дуучин Б.Амархүү, мисс гэргий  О.Ариунзул тэдний хүү А.Ананд нарыг ойр тойрныхон нь “Чандмань эрдэнэ хэмээн өхөөрддөг гэнэ шүү. Тэд энэ жилийн үндэсний их баяр наадмаар час улаан өнгийн торгон дээлээр гоёжээ. Хүү А.Ананд ч мөн ялгаагүй улаан торгон хослолоор гангаран анхныхаа наадмыг ийн үзсэн байна. Б.Амархүүгийн хувьд “Боловсрол суваг” телевизээс зохион байгуулсан “Яг түүн шиг шоу нэвтрүүлэгт оролцон хүчтэй өрсөлдөгч гэдгээ харуулан үзүүлбэр бүрээрээ бэлэг барьж байсан билээ.

Түүнчлэн Б.Амархүүг олон хүн уг шоуны ялагч болно хэмээн хүлээлт үүсгэж байснаа түүний цахим хуудсаар дамжуулан илэрхийлсэн байна лээ. Гэхдээ тэмцээнд нэг нь түрүүлдгээс хойш Б.Амархүү ялагч болсон П.Баярцэнгэлд амжилт хүсэн дараа дараагийн шоунууддаа улам сайн оролцохоо илэрхийлсэн байна билээ. 

В.Баяраа