Э.Энхболдоос суралцах юм их бий

Боловсрол суваг телевизээс зохион байгуулж үзэгчдийн хүртээл болж буй “Яг түүн шиг” шоу нэвтрүүлгийг монголчуудыг байлдан дагуулж буй. Өнгөрсөн долоо хоногт хагас финалынхаа ард гарсан оролцогчид энэ бүтэнсайн өдөр ялагчаа тодруулна. Мэргэжлийн дуучин, жүжигчин, загвар өмсөгчдөөс бүрдсэн оролцогчид дор бүрнээ хувь хувийнхаа бэлтгэлийг базаан амьсгаа дээгүүр яваа нь тодорхой.

Харин тэдний дунд мэргэжлийн дуучин биш ч гэлээ мэргэжлийн дуучдаас дутахааргүй мэдрэмжтэй, хэлний мэдлэгтэй, тайзны ур чадвар, аливаад хандах хандлагаараа, үзэгчдийн таашаалд нийцэж яваа эрхэм бол загвар өмсөгч Э.Энхболд. Нэвтрүүлгийн дугаар бүртээ үзүүлбэр нь улам чанаржиж шилдэг зургаан оролцогчдын нэг болж чадсан түүнийг хамтран оролцогчид нь  Энхболдоос суралцах юм их бий гэж үнэлсэн нь түүнийг хэр сайн оролцогч вэ гэдгийг бэлхнээ харуулж байгаа юм. Тиймээ, Э.Энхболдоос суралцах юм их бий, мэргэжлийн дуучин биш ч гэлээ эн тэнцүүхэн хүчтэй  өрсөлдөж яваа түүнийг нэвтрүүлгийн ялагч болчихоосой хэмээн хүлээж суугаа хүмүүс олон бий. Гэхдээ тэр өөрийгөө хэн бэ гэдгийг уг шоугоор бүрэн харуулж чадлаа. Түүнд амжилт хүсье.

Э.Нашка