Н.Мөнхсоёл үнэхээр багачуудын дунд “домог” болж чаджээ

“Яг түүн шиг” шоуны хүчтэй өрсөлдөгч жүжигчин Н.Мөнхсоёл ес дэх дугаарын шалгаруулалтанд хасагдсан. Тэрбээр хасагдсаныхаа маргааш өөрийн цахим хуудсандаа “Хасагдчихлаа гэсэн шиг шоу гэж санаа зовох юмгүй, сайхан өдөр хүртэл нэг тайван унтсан байна. “Яг түүн шиг” шоу Монголд зохиогдсон хамгийн их үзэгчтэй, хамгийн супер шоу байж чадлаа. Ийм сайхан төсөлд Монголын домог болсон шилдэг оролцогчидтойгоо хамтдаа хамгийн анхны оролцогчид болсон нь миний амьдралын гайхалтай сайхан цаг үеийн хэлхээс дурсамж боллоо” гэсэн юм.

Шоу нэвтрүүлгээ өндөрлүүлсэн түүнийг энд тэнд явах бүрт нь хүүхэд багачууд бүчин хамт сэльфи хийхийг харсан зарим нэгэн түүнийг үнэхээр монголын домог болжээ хэмээх юм билээ. Түүний фенүүд багачуудаар нэмэгдэх болсон ч учиртай. Тэр найм дахь дугаарын нэвтрүүлэгтээ “Frozen”  хүүхэлдэйн киноны дууг чадварлаг амилуулан шилдгээр шалгарсан нь аргагүй нөлөөлсөн биз ээ. 

В.Баяраа