Л.Амгалан их зохиолчийн удмын хүн юмсанж

Баянгол дүүргийн Засаг дарга одоо УИХ-ын 25-р тойрогт нэр дэвшээд байгаа Л.Амгалан манай нэрт зохиолч С.Буяннэмэхийн зээ охин гэнэ. Анх сэхээтэн гэдэг ойлголтыг бий болгосон хүмүүсийн нэг Сономбалжирын  Буяннэмэхийн оролцоогүй үйл хэрэг бараг байхгүй гэхэд болно. Сүхбаатар тэргүүтэй хувьсгалын анхны долоод орж яригддаггүй ч гэсэн  тэдний дэргэд явж, үг яриа, үүрэг  даалгаврыг биелүүлж, хувьсгалын их хэрэгт амь хайргүй зүтгэсэн юм. С.Буяннэмэх шинэ үеийн утга зохиолыг үндэслэгч, зохиолчдын байгууллагыг үндэслэгч, шинэ цагийн сонин сэтгүүлзүйг үндэслэгч, утга зохиолын онолыг үндэслэгч гээд нийгмийн асар  их идэвх,  зохион байгуулагч авъяасаар их Д.Нацагдоржоос ч илүү үүрэг гүйцэтгэсэн байдаг.

               1924 онд Залуучуудын эвлэлийн дарга С.Буяннэмэх коминтернийн Элбэгдорж Ренчиногийн хатгалга, гүтгэлгээр Данзантан буюу баруунтны хэрэгт гүтгэгдэж, хорь гаруйхан насандаа  гэрийн хорионд сууж, цаазаар авах ялыг сонсож явжээ. Нам, улсын их бага  хурлууд, сонин сэтгүүлийн ажил, урлаг соёлын ажил, наадам цэнгээн,  үзэсгэлэн яармагийн ажил, урлаг утга зохиолын ажил гээд бүх ажил Буяннэмэхгүй болж байсангүй. Ийм өвөөтэй, ураг удам угсаатай  “Сайн хүний үр, сүүт гүүний унага” гэгчээр Л.Амгалан дарга өөрийн өндөр өвгөөсөө удирдан зохион байгуулах, сэдэж санаачлах улс төрийн авьяасыг нь өвлөж авсан бололтой.  Тиймээс ч С.Буяннэмэхийн нэрэмжит номын өргөө байгуулж, хүүхэд залуучуудын оюуны цэнгүүний гол газар болжээ. Хог хог л гэж шогшиж явдаг дарга нар ном ном гэж ярих цаг үе ирж....Дүүргүүдийн түүхэнд номын сан өргөө байгуулсан дарга Л. Амгалангаас өөр гарсангүй.