ХАЛАМЖИТ САЙН ААВ ГАНБАА

Хошин урлагийн “Шинэ үе” продакшны залуу жүжигчин Ганбаа хүү охин хоёрынхоо хамт явж байгаад бидний дуранд туслаа. Тэрээр хоёр хүүхэддээ тун халамжтай аав гэдэг нь анзаарагдаж байсан юм. Хүүхдийн баяр дөхөж байгаа учир ийнхүү тэднийгээ баярлуулан, амттай хоол хамтдаа идэхээр явж байгаа нь энэ. Тэр гурав Ханбүргэдэй төвийн доор байрлах хоолны газар ороод гарч ирэхдээ хоёр хүүхэд нь бэлэг барьсан гарч ирсэн юм. Эцгийн хайранд үр хүүхдээ өлгийдөн яваа жүжигчин Ганбаагийн том охин Үйзмаа нь 7 настай бөгөөд 1 дүгээр дунд сургуульд суралцдаг бол бага хүү Бат-Эрхэм нь 2 настай гэсэн. Ааваасаа бэлэг аваад баяр хөөрөөр дүүрэн яваа тэд “ганган” төмөр хүлэг болох 44-22 дугаартай “Range Rover” машиндаа суун одлоо.