ЭКС “ГАЛА” БОЛОРОО НӨХРИЙНХӨӨ УРИЛГААР

Хэсэгтээ л шуугиулсан “Гала” хамтлагийн гишүүн асан Болороо нэлээд “намбажсан” төдийгүй нэлээд “будмалжсан” харагдана. “Их Монголын Алтан Одод - 2012” шоуны үеэр үзэгчдийн суудалд суугаа, ойр наашид олонд харагдаагүй түүнийг хараад хүмүүс “юу хийж байгаа юм бол?” гэдэг харцаар харж байлаа. Харин дуучин бүсгүйн гэр бүлийн хүн нь энэхүү шоуны ерөнхий зохион байгуулагчаар ажиллажээ. Түүний нөхөр нь Хосоо гэх сэргэлэн залуу байдаг бөгөөд иймэрхүү төрлийн олон нийтийн арга хэмжээ зохион байгуулдаг, PR-ын ажлаар дагнасан залуу байдаг сурагтай. Юутай ч ханийнхаа гүйцэтгэсэн шоунд уригдан ирсэн Болороо охин, нөхрийнхөө хамт амар жимэр амьдрах болоод удаж байгаа билээ.