ЖАСТИН, СЕЛЕНА ХОЁР ЭВЛЭРЧЭЭ

Бөөн хэрэг мандсан ч Жастин, Селена хоёр эвлэрчээ. Бөөн хэрэг гэдгийг нь та бүхэн сайн мэдэж байгаа. 10 жилийн охин жирэмсэн болгосон гэх дуулиант хэргээс болж Селенагаас салсан гэсэн мэдээлэл хаа сайгүй тархсан. Түүнээс гадна тэрээр Billboard Music Awards-ийн үеэр хэний ч танихгүй тэрхүү 10 жилийн охиноо хөтлөн ирэхэд нь Селена Гомес, Жастин Бибер хоёр үнэхээр салжээ хэмээн фенүүд нь санаа зовниж байсан. Гэвч өчигдөр орой тэдний фэйсбүүк болон твиттерээс хосын  харилцаанд ямар ч ан цав үүсээгүй гэдэг нь нотлогдлоо. Түүнчлэн өчигдөр орой LAX буюу Лос-Анжелесийн нисэх онгоцны буудалд Бибер найз охиноо өөрийн машиндаа хүлээж байсан төдийгүй “хатагтайгаа” ирэнгүүт нь халуун дотноор тэврэн үнссэн юм. Селена Гомез сүүлийн хэдэн сарын турш тун завгүй байлаа. Учир нь тэрээр “Spring Breakers in Florida” болон “The Getaway in Bulgaria” кинонуудад тус тус тоглосон юм. Жастин өчигдөр өөрийн твиттертээ: “Одоо нэг л өдрийн сургуулилт үлдлээ.. тэгээд Осло хотод дараа нь DieInYourArms-д Мягмар гаригт тоглолттой. 24 дэх өдөр хүртэл ИТГЭЛ” хэмээн бичсэн байна. Түүний “итгэл” хүлээлгэсэн тоглолт 9 дүгээр сараас эхлэн ирэх оны 1 дүгээр сар хүртэл үргэлжлэх юм байна. Хэрэв хосууд 24 өдөр буюу сар орчмын хугацааг даваад гарвал дөрвөн сар хол байх ч дажгүй биз ээ. Магадгүй Селена түүний тоглолтын үеэр супер од найз залуу дээрээ очих байх.