Төрөх дөхсөн загвар өмсөгчид дотуур хувцас сурталчиллаа

Нью-Йорк хотноо дотуур хувцасны долоо хоног болж байгаа юм. Фирмүүд үзэгчдийг гайхашруулах шоу бодож олсны нэг нь жирэмсэн загвар өмсөгчид дотуур хувцастай тайзан дээр алхсан үзүүлбэр гэнэ. “You!Lingerie” брэнд жирэмсэн эмэгтэйчүүд, хөхүүл ээж нарын дотуур хувцсыг гурван жил хийж байгаа юм. Энэ брэндийг байгуулсан Уйо Океби-Эйкельбергер гэдэг бүсгүй хүүхдээ төрүүлсний дараа аятайхан дотуур хувцас хайгаад олоогүй ажээ. Тэгээд “You!Lingerie” брэндийг санаачилсан байна. Гоолиг туранхай загвар өмсөгчид биш төрөх дөхсөн бүсгүйчүүд “You!Lingerie” брэндийг сурталчилсан нь шуугиан тарьсан гэнэ.