Ген сайтай гэсэн шалтгаанаар анаашийг нядалжээ

Копенгаген хотын амьтны хүрээлэнгийнхэн өчигдөр хоёр настай Мариус хэмээх анаашийг нядалжээ. Цоо эрүүл, 11.6 тохой өндөртэй залуу анаашийг нядалсны дараа махаар нь арслан, бар зэрэг амьтадыг хооллосон байна. Удирдлагын зүгээс Мариусыг нядлах шийдвэр гаргаснаа гентэй нь холбон тайлбарлав. Европын амьтны хүрээлэнгийн анаашнуудынхтай харьцуулахад Мариус нь хэтэрхий сайн гентэй байсан гэх тайлбарыг л амьтны хүрээлэнгийн удирдлага хийжээ.

Мариусыг нядлах гэж буйг мэдсэн амьтны эрхийг хамгаалагчид өнгөрсөн долоо хоногоос эхлэн эрчимтэй тэмцсэн ч болиулж чадаагүй аж. Шведийн амьтны эрхийг хамгаалах нийгэмлэгийнхэн онлайнаар хөдөлгөөн өрнүүлж, 30 мянган хүний гарын үсэг цуглуулсан ч тусыг эс олжээ. Тэр бүү хэл Мариусыг авах гэсэн бусад амьтны хүрээлэнгийнхний өндөр үнийн саналаас ч Копенгагны тал татгалзсан байна. Орон нутгийн хэвлэлийн дамжуулснаар Европын томоохон амьтны хүрээлэнгүүд Мариус 500-700 мянган еврогоор худалдан авах санал тавьж байсан аж.